Խնդրում ենք սպասել...
Այսօր`  չորեքշաբթի, 21 օգոստոսի, 2019 թ.

Միջազգային

Պատժամիջոցների հետևանքով Ռուսաստանը կորցրել է 800 միլիարդ ռուբլի

21:30, չորեքշաբթի, 14 օգոստոսի, 2019 թ.
Պատժամիջոցների հետևանքով Ռուսաստանը կորցրել է 800 միլիարդ ռուբլի

2014-2015թթ. պատժամիջոցները Ռուսաստանի տնտեսությունը ետ են գցել 1,2%-ային կետով: Այս մասին վկայում են Ֆինլանդիայի բանկի Անցումային տնտեսությունների ինստիտուտի համար արված հաշվարկները: Սակայն 2015-ի անկման հիմնական պատճառը միայն պատժամիջոցները չէին, այս մասին գրում է РБК-ն։
     Հետընթացն անխուսափելի սցենար էր Ռուսաստանի տնտեսության համար 2014-ից հետո, երբ գործի դրվեցին արևմտյան պատժամիջոցները, այնուհանդերձ, դրանք անկման հիմնական կատալիզատորը չէին: Այսպիսի եզրակացության են եկել Չեխիայի տնտեսական հետազոտությունների կենտրոնի (CERGE-EI) փորձագետներ Աննա Պեստովան և Միխայիլ Մամոնովը։ Նրանք համոզված են, որ տնտեսական աճի տեմպերի նվազումն սկսվել է պատժամիջոցների կիրառումից մոտ մեկ տարի առաջ: Տնտեսական աճի անկումը շարունակվել է 2014-ին, երբ ՀՆԱ-ի տարեկան աճը կազմել է 0,7% (2012-ին՝ 3,7% և 2013-ին՝ 1,8%):
     Հեղինակները նշում են, որ այդ ժամանակ տնտեսության աճի անկումը հիմնականում պայմանավորված էր կառուցվածքային խնդիրներով` բացասական ժողովրդագրական ցուցանիշ, և թույլ բիզնես միջավայրի տարածում:
     Պատժամիջոցները սահմանափակեցին ռուսաստանյան ընկերությունների մուտքը դեպի արտաքին վարկային համակարգ, ինչի արդյունքում 2014-2015թթ. կորպորատիվ արտաքին պարտքի ծավալը կրճատվեց 25%-ով:
     Միևնույն ժամանակ, նավթի գները կտրուկ ընկան: Դա մեծապես ազդեց ՌԴ տնտեսության վրա՝ հաշվի առնելով, որ նավթի և գազի վաճառքը կազմում է ապրանքների արտահանման 70%-ը, նշում են տնտեսագետները:
     Պատժամիջոցներից տնտեսության կորուստը կարելի է գնահատել ավելի քան 800 միլիարդ ռուբլի (հաշվարկներն արված են 2011թ. ռուբլու փոխարժեքով` հղում անելով «Ռոսստատ»-ի տվյալներին):

| | |
1536 | 0
Facebook