Խնդրում ենք սպասել...
Այսօր`  կիրակի, 20 հոկտեմբերի, 2019 թ.

Միջազգային

«Ռուսթավի 2»-ի նոր սեփականատերը որոշել է վաճառել ընկերությունը

17:05, երկուշաբթի, 12 օգոստոսի, 2019 թ.
«Ռուսթավի 2»-ի նոր սեփականատերը որոշել է վաճառել ընկերությունը

«Ռուսթավի 2» հեռուստաընկերության բաժնեմասերի 100 տոկոս սեփականատեր Քիբար Խալվաշին որոշել է վաճառել ընկերությունը:

Խալվաշին հայտարարություն է տարածել՝ նշելով որոշման պատճառը։ Նրա խոսքով տարիների ընթացքում ընկերությունը խորը ճգնաժամի մեջ է հայտնվել:

Նա «Ռուսթավի 2»-ի նախկին գլխավոր տնօրեն Նիկա Գվարամիային մեղադրել է ընկերության վարկային պարտքերի համար․ այդ թիվը կազմում է մոտ 70 000 000 լարի, որից միայն պետական բյուջեին պարտքը հասնում է 27 000 000 լարիի: Խալվաշիի խոսքերով Նիկա Գվարամիան ալիքը օգտագործել է միայն քաղաքական նպատակներին հասնելու համար, գրում է aliq.ge-ն:

Քիբար Խալվաշին հայտարարել է, որ չունենալով բավական գումար ընկերությունը ճգնաժամից դուրս հանելու համար որոշում է կայացրել այն վաճառել: Նա ասել է, որ պատրաստ է հարցը մանրամասնորեն քննարկել շահագրգիռ բոլոր կողմերի հետ, ովքեր ցանկանում են ձեռք բերել «Ռուսթավի 2»-ը և օգնել այն դարձնելու հաջողակ հեռուստաընկերություն:

| | |
925 | 0
Facebook
COMMENT.am