«Իմ կողմնակիցները զենք չունեին։ Ես անձամբ կրակել եմ հարձակման ժամանակ», -ասել է Ղրղզստանի նախկին նախագահ Ալմազբեկ Աթամբաևը։ Սակայն նա վստահեցրել է, որ «փորձել է կրակելուց չդիպչել մարդկանց»:
Նա նաև պատրաստ է միջամտել, որպեսզի ազատ արձակվեն ձերբակալված իր համակիրները «Ալֆա» հատուկ նշանակության ջոկատի հետ հարձակման ժամանակ, ովքեր այժմ գտնվում են նախկին նախագահի տանը:
Հիշեցնենք, որ նախօրեին Ղրղզստանի նախկին նախագահ Ալմազբեկ Ալամբաևի կողմնակիցները հայտնել են, որ հատուկ ջոկատայինները գրոհել են քաղաքական գործչի առանձնատուն և ձերբակալել են նրան։ Սակայն Կոյ-Տաշ գյուղում նրա կողմնակիցները դիմադրություն են ցույց տվել, գործողության ընթացքում սպանվել է մեկ հատուկ նշանակության սպա, վիրավորվել է 52 մարդ:
Ձերբակալության պատճառն այն էր, որ նա 3 անգամ հրաժարվել է որպես վկա ներկայանալ հարցաքննության: