Թուրքիայի նախագահ Ռեջեփ Թայիփ Էրդողանը Ուկրաինայի նախագահ Վլադիմիր Զելենսկու հետ Անկարայում ուղիղ բանակցություններից հետո կմասնակցեն Ստամբուլում կայանալիք ուկրաինա-թուրքական բիզնես ֆորումին: Այս մասին հայտնում է Թուրքիայի նախագահի մամուլի ծառայությունը:
Ուկրաինայի նախագահ Վլադիմիր Զելենսկին 2019 թվականի օգոստոսի 7-8-ը պաշտոնական այցով կմեկնի Թուրքիա՝ Թուրքիայի նախագահի հրավերով:
«Այցի ընթացքում կկայանան բանակցություններ Թուրքիայի և Ուկրաինայի միջև երկկողմ հարաբերությունների վերաբերյալ, կվերանայվեն դրանց բոլոր կողմերը, կքննարկվեն համագործակցության բարելավման վերաբերյալ որոշումներ կայացնելու հնարավորությունները: Բացի երկկողմ հարաբերություններից, ակնկալվում է կարծիքների փոխանակում տարածաշրջանային և միջազգային հարցերի շուրջ, ներառյալ՝ Սևծովյան տարածաշրջանում խաղաղությունն ու կայունությունը», - ասվում է հաղորդագրության մեջ: