Ուկրաինայի Հետաքննությունների պետական բյուրոն նոր գործ է հարուցել Պորոշենկոյի դեմ, հայտարարել է նախկին նախագահ Վիկտոր Յանուկովիչի վարչակազմի ղեկավարի տեղակալ, փաստաբան Անդրեյ Պորտնովը:
Այս անգամ պետության նախկին ղեկավարը կասկածվում է բանակի համար նախատեսված գումարների յուրացման մեջ: Ամբաստանյալների կարգավիճակում են հայտնվել նաև Ազգային բանկի նախկին ղեկավար Վալերիա Գոնտարևան, ինչպես նաև «Ուկրոբորոնպրոմի» ու «Ուկրեքսիմբանկի» պաշտոնատար անձինք:
Ըստ դատախազության տվյալների, քաղաքական գործիչները և պաշտոնատար անձինք հիմնել են հանցավոր խմբավորում, որը «շահույթի նպատակով՝ գիտակցելով Ուկրաինայի ազգային անվտանգության և պաշտպանունակության վնասները, անմիջականորեն կազմակերպել են բազմամիլիոնանոց փոխանցումներ դեպի օֆշորային գոտիներ, և կեղծ պայմանագրերով նախատեսված այլ յուրացումներ են կատարել»: