Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Ոնց որ թե Հայաստանում Ազգային մարզադաշտ ունենալու հեռանկար ա որոշակիանում, համենայն դեպս լսելով կրթության ու գիտության, մշակույթի, սպորտի փոխնախարարին: 25 տարվա ընթացքում մեզանում չեն կարողացել միջազգային չափանիշի գոնե մի բասկետբոլի դահլիճ կամ մարզահամալիր ունենալ ընդհանրապես, որտեղ հնարավոր կլիներ միջազգային բարձր կարգի մրցղում անցկացնել: Ֆուտբոլի ստադիոնի մասին էլ չեմ խոսում՝ Հրազդանը ստադիոնի ուրվական ու հայ-թուրքական ֆուտբոլային դիվանագիտության թշվառ հուշարձան, իսկ Հանրապետականն էլ ստադիոն հասկացության շրջանակում այլ բան չէ, քան ֆուտբոլի մի «բեսետկա»՝ երբ համեմատում ենք միջազգային իրավիճակի հետ: Կթվա, թե հարցը էդքան էլ կարևոր չէ: Բայց ցուցիչ ա՝ ամայություն բոլոր ուղղություններով, ոչ մի մասշտաբային նախագիծ 25 տարում, իսկ մասշտաբայինի անվան տակ սղացրածներն էլ դարձան գանձագողության վկայություններ»: