Այսօր Մանվել Գրիգորյանի փաստաբան Լևոն Բաղդասարյանը լրագրողների հետ զրույցում նշեց, որ և՛ Մանվել Գրիգորյանը, և´ պաշտպանական կողմը ցանկանում են, որ ՀՀ-ում գործի արդարադատություն:
«Մենք չենք ընդունում ընտրովի արդարադատությունը: Եթե ապացուցվում է անձի մեղքը, թող կրի իր պատիժը, սակայն մինչ դատական ակտն ասել ավելորդ մակդիրներ, պետք չէ»,-ասաց փաստաբանը՝ օրինակ բերելով «տուշոնկա» մեղադրական տարրեր պարունակող մակդիրը:
Լևոն Բաղդասարյանը նշեց, որ ՀՀ դատախազությունում ռեֆորմատիկ փոփոխություններ պետք է անել:
«Երբ մեզ ասում են, որ սա գտնվում է ՄԻԵԴ-ի տիրույթում, դատախազը նշում էր, որ մենք միտումնավոր ենք ասում, որ նեղը գցենք դատարանին: Այսօր մենք ունեցանք նույն քրեական գործի շրջանակում 2 անհապաղ միջոցի որոշում: Եթե Մանվել Գրիգորյանի կալանքը անհապաղ չփոխվի, դիմելու ենք ՄԻԵԴ, որ անհապաղ միջոց կիրառի»,-ասաց փաստաբանը: