Խնդրում ենք սպասել...
Այսօր`  երեքշաբթի, 23 հուլիսի, 2019 թ.

Իրադարձություններ

«Կոչ եմ անում Էդմոն Մարուքյանին իրեն պահել կլասիկ պատգամավորի պես, այլ ոչ՝ ռաբիս». Արեն Մկրտչյան

11:15, երկուշաբթի, 24 հունիսի, 2019 թ.
«Կոչ եմ անում Էդմոն Մարուքյանին իրեն պահել կլասիկ պատգամավորի պես, այլ ոչ՝ ռաբիս». Արեն Մկրտչյան

ԱԺ «Իմ քայլը» խմբակցության պատգամավոր Արեն Մկրտչյանն անդրադարձավ «Լուսավոր Հայաստան» խմբակցության ղեկավար Էդմոն Մարուքյանի՝ ֆեյսբուքյան տեսաուղեձում Քաղաքացիական ավիացիայի կոմիտեի նախագահ Տաթևիկ Ռևազյանին մասին անդրադարձին: Նշենք, որ Մարուքյանը Ռևազյանին անվանել էր «Քաղավիացիայի պետ, շատ գեղեցիկ աղջիկ»:

«Ինձ մոտ տպավորություն էր, որ Էդմոն Մարուքյանն իրենց բակի բեսեդկայում պպզած ռեպլիկ էր թողնում բակով անցնող գեղեցկադեմ աղջկա հետևից: Ես ուզում եմ հիշեցնել, որ պարոն Մարուքյանը պատգամավոր է և խոսում է Քաղավիացիայի պետի մասին: Կոչ եմ անում հարգել պատգամավորի մանդատը և իրեն պահել կլասիկ պատգամավորի և ոչ թե՝ ռաբիս պատգամավորի պես»,-ասաց Արեն Մկրտչյանը:

Վերջինի խոսքին հակադարձելով՝ «Լուսավոր Հայաստան» խմբակցության պատգամավոր Անի Սամսոնյանն ասաց. «Ես ձեզ խորհուրդ եմ տալիս ֆեյսբուքյան գրառումների մակարդակով այստեղ քոմենթներ չանել: Հատկապես երբ պարոն Մարուքյանը դահլիճում չէ: Խնդրում եմ այստեղ ֆեյսբուքյան ստատուսներ մի գրեք»:

| | |
2341 | 1
Facebook