Մետաղական աղբի վերամշակմամբ զբաղվող քաղաքացիները, ՀՀ կառավարության դիմաց բողոքի ակցիա իրականացնելուց հետո, իրենց ակցիան շարունակեցին ՊԵԿ-ի դիմաց:
Ակցիայի մասնակիցները մետաղական աղբով բարձած մեքենաները կայանել էին կառավարության շենքի դիմաց. պահանջում էին թույլտվություն՝ իրենց գործունեությունը շարունակելու համար: Նրանք մտադիր են ողջ աղբը թափել ՊԵԿ-ի շենքի դիմաց:
Մասնակիցների խոսքով՝ իրենք շուրջ մեկ տարի զբաղվում են մետաղական աղբի վերամշակմամբ և աշխատանքներն իրականցնելու համար մեծ գումարներ են ներդրել, իսկ այժմ իրենց արգելում են աշխատանքներ ծավալել:
Նրանք պնդում են, որ դեռ օրենքը ուժի մեջ չմտած, չքննարկված ՊԵԿ-ն արդեն արգելում է նրանց զբաղվել մետաղաթափոնների վերամշակմամբ: