Խնդրում ենք սպասել...

Իրադարձություններ

Լուսինե Քերոբյանի՝ «Բոցավառ հոգի» խորագիրը կրող ասեղնագործ նկարների ցուցահանդեսը ՆԱՄ-ում

23:35, երեքշաբթի, 18 հունիսի, 2019 թ.
Լուսինե Քերոբյանի՝ «Բոցավառ հոգի» խորագիրը կրող ասեղնագործ նկարների ցուցահանդեսը ՆԱՄ-ում

«Նարեկացի» արվեստի միությունում տեղի ունեցավ Լուսինե Քերոբյանի՝ «Բոցավառ հոգի» խորագիրը կրող ասեղնագործ նկարների ցուցահանդեսը:

«Լուսինեն շնորհալի, մարդկային բարձր որակներով օժտված մարդ է, և այդ ամենն արտացոլված է նրա աշխատանքներում: Ցուցասրահում ներկայացված ասեղնագործ աշխատանքները հիմնականում համաշխարհային արվեստի գլուխգործոցների վերարտադրություններն են, որոնք նոր կյանք են ստացել: Այս աշխատանքներում, կարծես, երկու արվեստ միաձուլվել են՝ ստեղծելով նոր տեսակ»,- նշեց «Նարեկացի» արվեստի միության ցուցահանդեսների համակարգող Տաթևիկ Համբարձումյանը:

Միջոցառման ընթացքում «Նարեկացի» արվեստի միության հիմնադիր Նարեկ Հարությունյանը Լուսինե Քերոբյանին հանձնեց Գրիգոր Նարեկացու «Տաղեր» գրքույկը՝ ընդգծելով մարդու կյանքում հոգևոր սնունդ ստանալու կարևորության և անհրաժեշտության մասին:

Ցուցահանդեսի նպատակն է հաշմանդամություն ունեցող շնորհալի և տաղանդավոր անձանց ստեղծագործությունների ներկայացումը և տարածումը:

Ցուցահանդեսը բաց է մինչև հունիսի 22-ը:

| | |
2618 | 0
Facebook