Այսօր ՀՖՖ տեխնիկական կենտրոնում՝ Ֆուտբոլի ակադեմիայում դասախոսությամբ հանդես կգա աշխարհահռչակ մարզիչ Վիսենտե Դել Բոսկեն, ով դասախոսությունից առաջ հանդիպել է լրագրողների հետ։ «Առաջին հերթին շնորհավորում եմ Հայաստանի ֆուտբոլի ֆեդերացիային՝ Եվրո-2020-ի որակավորման փուլում տոնած երկու անընդմեջ հաղթանակների կապակցությամբ:
Դրանք թիմին ավելի մոտեցրեցին եզրափակիչ փուլ դուրս գալու երազանքին։
Սակայն մեծ առաջընթաց գրանցելու համար պետք է զարգացնել մանկապատանեկան ֆուտբոլը՝ կամաց-կամաց մեծ արդյունքներ գրանցելու համար: Ինչպես գիտեք, մեր լավ ընկերներից մեկն աշխատում է Հայաստանում՝ Խավիեր Մինյանոն։ Նա մեզ հրավիրել է Հայաստան։ Մեր մյուս ընկերն աշխատում է ազգային հավաքականի հետ։ Նրանք շատ բաներ են պատմել մեզ և շատ գոհ են այստեղ։
Միջազգային մակարդակի հասնելու համար հայ մարզիչները պետք է շատ բաների վրա աշխատեն, պետք է որակյալ խաղադաշտեր ունենալ, երեխաներին լավ մասնագետներով շրջապատել, ֆիզիկական պատրաստվածության մարզիչների հետ աշխատել: Դա կբերի լավ արդյունքի։
Իսպանիայում, օրինակ, իրենց որակավորումը բարձրացնելու համար ֆուտբոլիստներն ու մարզիչներն արտերկիր են մեկնում՝ փորձ ձեռք բերելու։
Մենք շատ փորձ ունենք, գիտենք՝ ինչպես պետք է աշխատել թիմերում, գիտենք դժվար պահերին ինչպես աշխատել, հենց այդ մասին էլ կպատմենք հայ մարզիչներին: Կսովորեցնենք ճիշտ կողմնորոշվել կարևոր պահերին»: