ՀՀ բնապահպանության և ընդերքի տեսչական մարմինը վարչական վարույթ է իրականացնում Արարատի մարզի Մարմարաշեն համայնքում գտնվող խոզաբուծարանի՝ շրջակա միջավայրը աղտոտելու ահազանգի վերաբերյալ:
«Վարչական վարույթի շրջանակում գործողություններ են կատարվում, քննություն է ընթանում»,- «ԷկոԼուր»-ին հայտնել են Բնապահպանության և ընդերքի տեսչական մարմնի հանրային կապերի բաժնից:
Նշենք, որ երկու օր առաջ՝ հունիսի 15-ին, Մարմարաշեն համայնքի բնակիչները փակել էին Երևան-Արտաշատ ավտոճանապարհի՝ Մարմարաշեն համայնքից դեպի Մխչյան գյուղ տանող գյուղամիջյան ճանապարհը՝ բարձրաձայնելով գյուղի մոտակայքում գտնվող խոզաբուծարանից դեպի համայնք տարածվող գարշահոտության խնդիրը: