Խնդրում ենք սպասել...

Միջազգային

ՈՒԵՖԱ-ի դիրքորոշումը՝ Բաքվում կայացած Եվրոպայի լիգայի եզրափակչի շուրջ

21:20, շաբաթ, 15 հունիսի, 2019 թ.
ՈՒԵՖԱ-ի դիրքորոշումը՝ Բաքվում կայացած Եվրոպայի լիգայի եզրափակչի շուրջ

ՈՒԵՖԱ-ի նախագահ Ալեքսանդր Չեֆերինը մեկնաբանել է Եվրոպայի լիգայի 2018/19 մրցաշրջանի Եզրափակիչը Բաքվում անցկացնելու որոշումը:

«Ինչո՞ւ որոշեցինք խաղալ Բաքվում։ Որովհետև այնտեղ մարդիկ են ապրում: Նրանք ստիպված են դիտել հանդիպումը, որը սկսվում է երեկոյան ժամը 11-ին, սակայն ոչ ոք չի բողոքում։ Եթե Ադրբեջանից երկու թիմ խաղար Լոնդոնում, ոչ ոք պահանջներ չէր էլ ներկայացնի։ Մեկուկես տարի առաջ մենք որոշեցինք, որ հանդիպումը տեղի կունենա Բաքվում՝ ժամանակակից 70-հազարանոց մարզադաշտում։ Անգլիայում միայն մեկ մարզադաշտ կա, որ դրանից մեծ է։ Պետք է զարգացնել ֆուտբոլն ամենուր, ոչ միայն Անգլիայում կամ Գերմանիայում»,- նշել է Չեֆերինը։

Հիշեցնենք՝ Եվրոպայի լիգայի եզրափակչում «Չելսի»-ն 4:1 հաշվով հաղթեց «Արսենալ»-ին՝ նվաճելով գավաթը։ Հայաստանի ազգային հավաքականի և Լոնդոնի «Արսենալ»-ի կիսապաշտպան Հենրիխ Մխիթարյանը չմեկնեց Բաքու՝ անվտանգության նկատառումներից ելնելով։

| | |
10263 | 1
Facebook