Խնդրում ենք սպասել...
Այսօր`  երեքշաբթի, 16 հուլիսի, 2019 թ.

Հետաքրքիր է

Սիբիրում հայտնաբերվել է գայլի հսկայական գլուխ՝ 40 հազար տարեկան

01:10, երկուշաբթի, 17 հունիսի, 2019 թ.
Սիբիրում հայտնաբերվել է գայլի հսկայական գլուխ՝ 40 հազար տարեկան

2018 թվականի ամռանը Յակուտիայի բնակիչներից մեկն, ով փնտրելիս է եղել մամոնտի ոսկորներ՝ վաճառքի հանելու համար, Տիրեխտյախ գետի ափին հայտնաբերել է գայլի հսկայական գլուխ:

Այս ամբողջ ժամանակաշրջանում գտածոն ուսումնասիրել են ռուս, ճապոնացի ու շվեդ գիտնականներն ու բացահայտել նրա տարիքը: Նրանց տվյալներով՝ այն պատկանում է պլեյստոցենի ժամանակաշրջանին, այսինքն, շուրջ 40 հազար տարեկան է:

Գայլի գլուխը եղել է 40 սմ, ինչը կազմում է ժամանակակից գայլերի ամբողջ մարմնի կեսը: Այս յուրահատուկ գտածոն միակ նմուշն է, որն ունի պահպանված հյուսվածքներ: Այն առաջիկայում կհամեմատեն ժամանակակից գայլերի հետ՝ պարզելու համար, թե ինչպես է զարգացել տեսակը: Դա հնարավորություն կտա նաև վերակագնել նախնադարյան գայլի արտաքին տեսքը:

Հնադարյան գայլի գլխի մկանները, օրգաններն ու ուղեղը լավ են պահպանվել: Մահվան պահին կենդանին եղել է 2-4 տարեկան:

Յակուտիայում նմանօրինակ գտածոները եզակի երևույթ չեն, քանի որ գլոբալ տաքացումը հալեցնում է հավերժական սառույցները՝ երևան հանելով լավ պահպանված մնացորդները:

| | |
13969 | 0
Facebook