Միջազգային

ԱՄՆ ֆինանսների նախարարությունը նոր պատժամիջոցներ է սահմանել Իրանի նկատմամբ, այս մասին հայտնում է «The Voice of America»-ն՝ հղում կատարելով նախարար Սթիվեն Մնուչինին: Պարբերականի տվյալներով՝ պատժամիջոցների թիրախում Իրանի նավթաքիմիական ընկերություններն են, այդ թվում՝ Persian Gulf Petrochemical Industries Company-ն:

Իրանում արդեն արձագանքել են վերոնշյալ պատժամիջոցներին: Իրանի ԱԳՆ պաշտոնական ներկայացուցիչ Աբաս Մուսավին նշել է, որ Վաշինգթոնի հայտարարությունները Թեհրանի հետ բանակցությունների մասին, փուչ էին: Նա հավելել է, որ դրանով ԱՄՆ-ն տնտեսական ահաբեկչություն է իրականացնում և շարունակում թշնամական քաղաքականությունն Իրանի դեմ: