Բրիտանական The Sun պարբերականին տված հարցազրույցի ժամանակ Թրամփը խոսել է «գարշելի» Սասեքսի դքսուհի Մեգան Մարքլի մասին:
Արքայազն Հարիի կինը խիստ քննադատություններ է հնչեցրել ԱՄՆ ղեկավարի հասցեին՝ նրան մեղադրելով 2016թ. նախընտրական շրջանում «կնատյաց» և «սուր հակասական» հայտարարությունների համար: Մեգանը նաև նշել է, որ իր ձայնը տվել է Թրամփի հակառակորդի՝ դեմոկրատ Հիլարի Քլինթոնի օգտին:
Թրամփը խոսքերով, ինքը տեղյակ չի եղել Մեգան Մարքլի հայտարարություններից: «Չգիտեի, որ նա գարշելի է եղել»,- ասել է ԱՄՆ-ի ղեկավարը: Թրամփը նաև նշել է, որ իր կարծիքով, Սասեքսի դքսուհուն հաջողվել է հարմարվել իր նոր կարգավիճակին, նա նաև Մեգանին այդ հարցում հաջողություն է մաղթել:
«Նա շատ լավ, ամերիկյան արքայադուստր կդառնա»,- հավելել է նա:
Ավելի վաղ, հայտնի է դարձել, որ Մեգան Մարքլը չի մասնակցելու Մեծ Բրիտանիայի թագավորական ընտանիքի և Դոնալդ Թրամփի հանդիպմանը, քանի որ պետք է զբաղվի նորածին երեխայի՝ Արչի Հարիսոնի խնամքով: