Չինական Huawei կազմակերպությունն իր աշխատակիցներին հրամայել է դադարեցնել ամերիկացի գործընկերների հետ հանդիպումները, ինչպես նաև ամերիկացի աշխատողներին հետ է ուղարկել իրենց հայրենիք այն բանից հետո, երբ ԱՄՆ Առևտրի նախարարությունը մայիսի կեսերին Huawei-ն ընդգրկել է սև ցուցակում. այս մասին հաղորդում է Financial Times-ը:
Financial Times-ին տված հարցազրույցի ընթացքում ընկերության գլխավոր ռազմավարության մշակող Դան Վեն Շուանն ասել է, որ բոլոր ամերիկացիներն, ովքեր աշխատում են Huawei-ի կենտրոնակայաններում՝ հետազոտությունների և զարգացման ոլորտներում, երկու շաբաթ առաջ հետ են ուղարկվել ԱՄՆ:
«Մենք չգիտենք, թե ինչ է կատարվում…Մենք չգիտենք օրենքի սահմանափակումները և պետք է բացարձակապես արդար լինենք»,- ասել է Դան Վեն Շուանը: