Ուրբաթ երեկոյան պայթյուն է որոտացել Ֆրանսիայի Լիոն քաղաքի տեսարժան վայրերից մեկի մոտ: Պայթուցիկով տոպրակը պայթեցվել է հացաբուլկեղենի խանութի մոտ: Կա 13 տուժած, նրանց թվում՝ մեկ երեխա: Ըստ նախնական տվյալների՝ վիրավորների թվում Հայաստանի Հանրապետության քաղաքացիներ կամ ազգությամբ հայեր չկան։
Քաղաքի ոստիկանությունը տեսահսկման սարքերով կարողացել է պարզել, որ պայթուցիկով փաթեթը փողոցում թողել է մի երիտասարդ հեծանվորդ: Նրան այժմ փնտրում են հակաահաբեկչական օպերացիայի անդամները: