ՀՀ կառավարության հերթական նիստի ընթացքում Կառավարության աշխատակազմի ղեկավար Էդուարդ Աղաջանյանը հարց ուղղեց ՀՖՖ նախագահ Արթուր Վանեցյանին՝ «Հրազդան» մարզադաշտի ճակատագրի վերաբերյալ։
««Հրազդան» մարզադաշտը որպեսզի դառնա միջազգային չափանիշներին համապատասխան մարզադաշտ, պետք է կատարվի ահռելի մեծ գումարների ներդրում և փաստ չէ, որ դրանից հետո մարզադաշտը կընդունեն։ Որովհետև ամենակարևոր խնդիրը, որ այսօր վերաբերում է մարզադաշտերին, անվտանգության ապահովման խնդիրն է, այսինքն՝ մի քանի կողմից մեքենաների ճանապարհների առկայություն, տարհանում, այսինքն՝ պետք 15-20 րոպեի ընթացքում մարզադաշտը տարհանվի, ազատվի․․․ ուղղակի անհնարին է «Հրազդան» մարզադաշտը հարմարեցնել այդ պայմաններին։ Եթե ֆինանսական հնարավորություն ունենանք, կվերանորոգենք մարզադաշտը և կօգտագործեն տեղական խաղերի կազմակերպման համար, ինչի պահանջարկը շատ մեծ է։ Սեփականատիրոջ հետ երկու-երեք անգամ արդեն հանդիպել եմ, բանակցությունները տարվում են»,- պատասխանեց Վանեցյանը։