Երևանի թատրոնի և կինոյի պետական ինստիտուտում բողոքի ակցիա իրականացնող ուսանողները բացել են բուհի դռները: Նրանք խորհրդակցություն են անց կացրել ԿԳ նախարար Արայիկ Հարությունյանի առաջարկը քննության առնելու համար: Վերջինը բողոքի ակցիայի մասնակիցներին առաջարկել էր բացել ինստիտուտի դռները և ներկայացուցչական խումբ ուղարկել ԿԳ նախարարություն` բանակցելու:
Ուսանողները որոշում են կայացրել ընդունել նախարարի առաջարկը. 7 ուսանողից կազմված խումբը հանդիպելու է կրթության և գիտության նախարարին:
Ավելի վաղ հայտնել ենք, որ բողոքող ուսանողները պահանջում են ռեկտոր Լիլիթ Արզումանյանի հրաժարականը: