Քաղաքագետ Հայկ Մարտիրոսյանը ֆեյսբուքյան իր էջում գրել է. «Երբ քեզ հեղափոխություն են վստահում, դու չես նստում մեկ տարի վատնում դատարկ ճառերի վրա և հետո, երբ անգործությունդ քեզ վաղուց զգուշացված արդյունքներ է տալիս` նորից ժողովրդին փողոց հանում` քո անկարողության և մեծամիտ անգիտության ավերները ժողովրդի ձեռքով կասեցնելու համար: Ժողովուրդը քեզ է լիազորել հեղափոխությունն ավարտելու, ոչ թե կոչնակի պես ամեն անգամ իրեն դիմելու և իր ձեռքով ամեն բան անելու համար:
Վաղն առավոտվա այս՝ վարչապետի կոչին պետք է ականջալուր լինել, որքան էլ որ դա իր անկարողության վկայությունն է: Պատերին իր ծեփելու ու ասֆալտին փռելու ևս մեկ շանս տանք նրան դատական համակարգիաղբը մաքրելու համար:
Բայց դրանից հետո նա պարտավոր է մաքրել սեփական ձեռքով իշխանություն մտցված աղբն ու ընդունելով սեփական անկարողությունն ու թույլ տված աններելի սխալները` իշխանությունը փոխանցել առավել կարող և առավել պրոֆեսիոնալ առաջնորդների»: