Խնդրում ենք սպասել...

Իրադարձություններ

Դատախազները միջնորդել են նիստը դռնփակ անցկացնել. Քոչարյանի պաշտպանները դեմ են

14:30, չորեքշաբթի, 15 մայիսի, 2019 թ.
Դատախազները միջնորդել են նիստը դռնփակ անցկացնել. Քոչարյանի պաշտպանները դեմ են

«Քանի որ Քրեական դատավարության համապատասխան հոդվածը նախատեսում է, որ գործը կամ դրա մի մասը դռնփակ դատական նիստում քննելու հարցը լուծվում է դռնփակ, պահպանենք օրենքի տառն ու քննարկումը կատարենք դռնփակ: 5 րոպե ընդմիջում է հայտարարվում, կարգադրիչներին հանձնարարվում է ապահովել այդ ռեժիմը՝ մեղադրող դատախազների միջնորդությունը քննելու համար»,- հայտարարեց նիստը նախագահող դատավոր Դավիթ Գրիգորյանը:

Մինչ այդ Քոչարյանի պաշտպաններից Հայկ Ալումյանը փորձել էր հատվածներ մեջբերել գեներալ-մայոր Արշակ Կարապետյանի՝ Մարտի մեկի գործով տված ցուցմունքներից։ Մեղադրող դատախազներն առարկել էին:

«Պատճառաբանում են, թե ցուցմունքների հատվածներ կարող են հրապարակվել, բայց ուզում եմ ասել, որ նախաքննությունն ավարտվել է ու գաղտնիքի խնդիր չկա»,- ավելի ուշ լրագրողների հետ զրույցում ասաց Քոչարյանի պաշտպաններից Արամ Օրբելյանը: «Դռնփակ նիստ անելու որևէ հիմք չկա»,- կրկնեց նա:

Երևանի ընդհանուր իրավասության դատարանի Ավանի նստավայրում ընթանում է Ռոբերտ Քոչարյանի և մյուսների գործով դատական նիստը: Քննարկվում է ՀՀ երկրորդ նախագահի նկատմամբ ընտրված խափանման միջոցի վերաբերյալ հարցը:

Տեսանյութը՝ Factor.am-ի
| | |
1771 | 0
Facebook