Խնդրում ենք սպասել...
Այսօր`  երեքշաբթի, 20 օգոստոսի, 2019 թ.

Իրադարձություններ

«Արկադի Ղուկասյանը և Բակո Սահակյանը կգան դատարան». Հայկ Ալումյան

22:25, երեքշաբթի, 14 մայիսի, 2019 թ.
«Արկադի Ղուկասյանը և Բակո Սահակյանը կգան դատարան». Հայկ Ալումյան

Այսօր Ռոբերտ Քոչարյանի պաշտպան Հայկ Ալումյանը հայտարարել է, որ Արցախի գործող և նախկին նախագահները գալու են դատարան, սակայն պարզ չէ՝ երբ:

«Դատավարության ցանկացած փուլում խափանման միջոցի հարցը կարող է քննարկվել կողմերից յուրաքանչյուրի նախաձեռնությամբ: Ես չեմ կարող ասել՝ նրանք կգա՞ն մինչև այս քննության ավարտը, թե՞ չէ»,- լրագրողների հետ զրույցի ժամանակ ասել է Ալումյանը:
     Նշենք, որ Արկադի Ղուկասյանը և Բակո Սահակյանը երաշխավորություն էին ներկայացրել Ռոբերտ Քոչարյանի խափանման միջոց կալանավորումը փոխելու վերաբերյալ:

Սակայն դատավոր Դավիթ Գրիգորյանը, նիստի ժամանակ ասել էր, որ այն անձը, ով երաշխավոր լինելու ակնկալիքով դիմել է դատարանին, պետք է ներկայանա դատարան՝ իր կամարտահայտությունը վերահաստատելու:

Հավելենք նաև, որ պաշտպանները խոստացել էին մինչև այսօրվա դատական նիստի ավարտը ճշտել, թե երբ կարող են նախագահները ներկայանալ դատարան:

| | |
2815 | 2
Facebook
COMMENT.am