Ուկրաինայի ազգային հակակոռուպցիոն բյուրոն (NABU) քրեական գործ է հարուցել Վերին Ռադայի նախագահ Անդրեյ Պարուբիի դեմ, հաղորդում է Украинские новости-ն:
Գործը հարուցվել է «իշխանության կամ պաշտոնական դիրքի չարաշահման» և «պաշտոնատար անձանց կողմից բյուջետային միջոցներն անձնական նպատակներով կիրառելու» հոդվածներով:
Նման հոդվածների դեպքում պատժամիջոցները նախատեսում են տուգանք կամ ազատազրկում՝ մինչև 3 տարի ժամկետով, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքի սահմանափակում՝ դարձյալ 3 տարի ժամկետով:
Հակակոռուպցիոն բյուրոյի տվյալներով, հետաքննությունը շարունակվում է:
Ավելի վաղ Կիևի Սոլոմենսի շրջանային դատարանն Ուկրաինայի ազգային հակակոռուպցիոն բյուրոյից պահանջել էր վարույթ հարուցել Պարուբիի դեմ: Նրա մամլո քարտուղար Անդրեյ Կովալևը հայտարարել էր, որ քրեական գործի վերաբերյալ տեղեկատվությունը կեղծ է: