Կիպրոսի արդարադատության նախարարը հրաժարական է տվել: Այս մասին հաղորդում է BBC-ն:
«Ես հրաժարականի մասին դիմումը ներկայացրել եմ միայն քաղաքական էթիկայի նկատառումներով՝ իմանալով, որ պատասխանատվություն չեմ կրում զեկույցների մշակման համար, իսկ ոստիկանությունն ինձ երբեք դրանց մասին չի տեղեկացրել»,- հայտարարել է Կիպրոսի արդարադատության նախարար Իոնաս Նիկոլաուն:
Հիշեցնենք, որ Կիպրոսում կանանց սերիական սպանությունների կասկածանքով զինծառայող էր ձերբակալվել: Նրա զոհերը, վերջին տվյալների համաձայն, 5 կին և 2 երեխա են: Զոհերն օտարերկրացիներ են: Նրանց մարմինները հայտնաբերվել են լքված հանքավայրում և թունավոր արտանետումներով լի լճի մեջ:
Երկրի նախագահ Նիկոս Անաստասիադիսը մեծ ափսոսանքով է ընդունել նախարարի հրաժարականը՝ նշելով, որ զրկվում է իր «ամենամտերիմ զինակիցներից» մեկից: