Արաբական Միացյալ Էմիրություններից լրտեսության կասկածանքով երկու շաբաթ առաջ ձերբակալված տղամարդկանցից մեկը բանտում ինքնասպան է եղել, այս մասին հաղորդում է BBC-ն:
Կիրակի օրը կասկածյալ Զաքի Հասանը կախված է հայտնաբերվել Ստամբուլի Արևմտյան մասում գտնվող Սիլիվրի բանտում:
Թուրք ոստիկանների փոխանցմամբ, հարցաքննության ընթացքում Հասանը խոստովանել է, որ ինքն ու մյուս կասկածյալը լրտեսել են արաբ ընդդիմախոսներին:
Թուրք պաշտոնյաները նշում են, որ նրանք կարող են կապ ունենալ Սաուդյան Արաբիայի լրագրող Ջամալ Խաշոգիի սպանության հետ: