Խնդրում ենք սպասել...

Թերթերի տեսություն

«Սպայկան» մթերումներ անելու է. «Հրապարակ»

09:55, չորեքշաբթի, 24 ապրիլի, 2019 թ.
«Սպայկան» մթերումներ անելու է. «Հրապարակ»

«Հրապարակ»-ը գրում է. «Տեսակետ կա, որ «Սպայկայի» ու ցեմենտի շուկայում տեղի ունեցող գործընթացները բիզնեսի վերաբաշխման նպատակ ունեն․ համաձա՞յն եք՝ հարցրինք «Իմ քայլի» պատգամավոր Գևորգ Պապոյանին։ «Ոչ, չեմ կիսում, անհիմն կարծիք է»:

Տեղեկություն կա, որ արդեն «Սպայկային» փոխարինող կա, բայց կկարողանա՞ այս կարճ ժամկետում կազմակերպել մթերումները, որ գյուղացին չտուժի։ «Իսկ Դուք ի՞նչ եք առաջարկում»։ Ես վարչապետ չեմ, որ առաջարկ անեմ։ «Ի՞նչ եք կարծում` բոլոր այն ընկերությունները, որոնք ունեն մի քանի հարյուր աշխատող եւ կարող են այդ մարդկանց հանել փողոց, նորմա՞լ է, որ հարկեր չտան ու պետության հետ շանտաժի լեզվով խոսեն»:

Իսկ չէ՞ր կարելի այնպիսի տարբերակով լուծել հարցը, որ մթերման սեզոնից առաջ գյուղացին, որն առանց այն էլ ապրուստ չունի, որի «ուղեղում աղքատություն է տիրում», չտուժի իշխանություն-սեփականատեր «վեճերից»: «Ես կարծում եմ` մթերումներ լինելու են, և այդ նույն «Սպայկան» էլ մթերումներ անելու է»: Իսկ որ չարե՞ց, ինչո՞ւ եք այդքան վստահ։ «Այդ ժամանակ կխոսենք»:

Մանրամասները՝ թերթի համարում:

3592 | 0
Facebook