Համացանց

Ազատամարտիկ Հովհաննես Գալստյանը ֆեյսբուքյան իր էջում գրել է. «Ժամանակին, երբ Սերժիկը մեկնում էր մարզեր՝ նախընտրական հանդիպումների, տվյալ մարզի ամբողջ ղեկավար կազմը նրան դիմավորում էր մարզի մուտքի մոտ: ՀՀԿ ղեկավար կազմը նախօրոք հոգում էր, որ մեքենայից իջնելու պահին նրան մոտենար տարիքով մի կին և համբուրեր: Տատիկը նրան պետք է «թագավոր ջան» ասեր և ջանին մեռներ:

Հանդիպումները հիմնականում փակ դահլիճներում էին լինում և մասնակցում էին մի քանի օր առաջ կազմված ցուցակներով «դաբրո» ստացած մարդիկ:
     Տրվող հարցերը նախօրոք համաձայնեցված էին լինում աշխատակազմի հետ և Սերժիկը արդեն գիտեր, թե ինչ հարցեր էին հնչելու և պատասխանում էր այդ հարցերին:

Ինչու՞ հիշեցի:

Այսօր, երիտհանրապետականների հետ հանդիպման վերջում նա նորից ասել է, որ շուտով կխոսի և հնարավոր է, որ հարցերի պակաս լինեն:

ՄԱՄԱՆ, ԹԱԼԻԲԱՆ...

Մարդ, ով 10 տարիների ընթացքում պատասխանել է
     միայն նախօրոք պատրաստած հարցերի, ով հարցազրույցների է հրավիրել միայն իր լրատվամիջոցների լրագրողներին և չի պատասխանել որևէ այլ հարցի, վախենում է, որ հարցերի պակաս կլինի:
     Ախր բոլորին է հայտնի, որ առանց թղթի խոսելիս՝ ինքը քարհանգուստ է ընկնում:

Սերժիկի տատիկը նման դեպքերում կասեր. «ԱՇԽԱՐՀ ԵՐԵՎԻ ԼԻՈՒԹՅՈՒՆ ԸՆԿՆԻ...»

Իսկ վերջում, երբ հարցրել է, թե ի՞նչ են ուզում երիտասարդները, մի աղջնակ նրան ասել է.
     —Վերադարձե՛ք, պարոն նախագահ:

Փաստորեն ոճի մեջ ոչինչ չի փոխվել, միայն համբուրող տատիկն է մի քիչ երիտասարդացել ...»: