Ալժիրում 5 միլիարդատեր է ձերբակալվել. նրանցից մի քանիսը պայքարում էին երկրի նախագահի աթոռի համար: Այս մասին հաղորդում է BBC-ն:
Նույն աղբյուրի համաձայն, նրանք բերման են ենթարկվել կոռուպցիոն բացահայտումների հիման վրա:
Գործարարներից մեկը՝ արդյունաբերության մագնատ Իսադ Ռեբրաբը Twitter-ում հերքել է իր ձերբակալման մասին լուրերը: Նա հավելել է, որ ինքն իր գործերի համար է ոստիկանական բաժանմունք գնացել:
Մյուս 4 գործարարներն էլ կասկածվում են պաշտոնաթող նախագահ Աբդելազիզ Բուտեֆլիկայի հետ սերտ հարաբերությունների համար:
Հակակառավարական ցույցերից երեք շաբաթ անց, 20 տարի երկրի նախագահի պաշտոնն զբաղեցնող Բուտեֆլիկան հրաժարական էր տվել: Նախագահի ընտրությունը տեղի կունենա հուլիսին: