Խնդրում ենք սպասել...
ԱՐՑԱԽ.news ԼՐԱՏՎԱԿԱՆ

Հարցազրույցներ

«Ինչ-որ մեկը հարցրե՞լ է ինքն իրեն, թե որոնք են ռիսկերը, երբ ԱԱԾ ղեկավարը դառնա քաղաքական գործիչ». Համազասպ Դանիելյան

01:20, ուրբաթ, 19 ապրիլի, 2019 թ.
«Ինչ-որ մեկը հարցրե՞լ է ինքն իրեն, թե որոնք են ռիսկերը, երբ ԱԱԾ ղեկավարը դառնա քաղաքական գործիչ». Համազասպ Դանիելյան

ՀՀ ԱԺ «Իմ քայլը» խմբակցության պատգամավոր Համազասպ Դանիելյանը Հանրայինի եթերում անդրադարձավ ԱԺ-ի ընդդիմադիր ուժերի քննադատություններին՝ կառավարության կազմի փոփոխության շուրջ ծավալվող քննարկումների վերաբերյալ. «Ծիծաղելին այն է, որ քննադատությունը պետք է կապված լինի այն նյութի հետ, ինչը որ քննարկում ենք: Երբ մենք քննարկում ենք կառավարության կառուցվածքը, դա ուղղակի ոչ մի կապ չունի վարչապետի լիազորությունների սահմանների հետ, ոչ էլ կապ ունի ՊԵԿ-ի, ԱԱԾ-ի վերահսկողութան ենթակա լինել-չլինելու հետ»,- ասաց Դանիելյանը:

Անդրադառնալով ԱԱԾ-ի և ոստիկանության նախարարություն դառնալու հարցին` պատգամավորը նշեց. «Երբ պահանջում են, որ ԱԱԾ-ն դառնա նախարարություն, հիմնական փաստարկն այն է, որ ԱԱԾ ղեկավարը պիտի գա ԱԺ և մենք կարողանանք հարցուպատասխանի միջոցով վերահսկել իրեն: Իսկ ինչ-որ մեկը հարցրե՞լ է ինքն իրեն, թե որոնք են ռիսկերը, երբ ԱԱԾ ղեկավարը դառնա քաղաքական գործիչ: Պատկերացրեք, որ ունենք ԱԱԾ-ի պես նախարարություն, որը դառնում է քաղաքական առուտուրի, բանավեճերի առիթ, մենք ուզո՞ւմ ենք էդպիսի բան:

Եթե խնդիրը նշված կառույցների հաշվետվողականությունն է Ազգային ժողովի առաջ, ես գտնում եմ, որ հաշվետվողականության որոշակի մակարդակ արդեն իսկ կա և թող այդ եղած գործիքակազմը դեռ օգտագործեն»,- նշեց Համազասպ Դանիելյանը:

| | |
1579 | 0
Facebook
COMMENT.am