Խնդրում ենք սպասել...
ԱՐՑԱԽ.news ԼՐԱՏՎԱԿԱՆ
Այսօր`  երեքշաբթի, 23 ապրիլի, 2019 թ.

Իրադարձություններ

Ծաղկազարդի տոնին նախատեսվող միջոցառումներն Արարատյան Հայրապետական թեմում

20:05, շաբաթ, 13 ապրիլի, 2019 թ.
Ծաղկազարդի տոնին նախատեսվող միջոցառումներն Արարատյան Հայրապետական թեմում

Ապրիլի 14-ին Հայ Առաքելական Սուրբ Եկեղեցին տոնում է Ծաղկազարդը: Այդ օրը` ժամը 11.00-ին, բոլոր եկեղեցիներում կմատուցվի բաց խորանով Ս. Պատարագ, և ցանկացողներն, առանց պահքը խախտելու, կարող են հաղորդվել:
     Ծաղկազարդը խորհրդանշում է Քրիստոսի հաղթական մուտքը Երուսաղեմ: Ըստ Ավետարանի՝ Քրիստոս Երուսաղեմ մտավ ավանակին նստած, իսկ ժողովուրդը նրան դիմավորեց որպես թագավորի: Մարդիկ իրենց հագուստներն ու արմավենու ճյուղերն էին փռում Քրիստոսի ոտքերի տակ: Մանուկները փառաբանում էին Տիրոջը։
     Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինությամբ Ծաղկազարդը հռչակվել է Մանուկների օրհնության օր: Ս. Պատարագի ավարտին բոլոր եկեղեցիներում կկատարվի Մանուկների օրհնության կարգ:
     Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ թեմի եկեղեցիներում Ս. Պատարագի ավարտին կկազմակերպվեն մի շարք միջոցառումներ:

Ծաղկազարդի տոնին նախատեսվող միջոցառումներն
     Արարատյան Հայրապետական թեմում

Ապրիլի 14-ին՝ հավարտ Ս. Պատարագի.
     Դավթաշենի Սրբոց Նահատակաց եկեղեցում Ծաղկազարդի տոնի կապակցությամբ եկեղեցու բակում կկատարվի մանուկների օրhնություն, կկազմակերպվի կավճանկարչության մրցույթ և տոնական միջոցառում` եկեղեցուն կից գործող Հովհան Ոսկեբերանի անվան խմբակների սաների մասնակցությամբ:
     Նորագավիթի Ս. Գևորգ եկեղեցում տեղի կունենա բարեգործական ցուցահանդես-վաճառք, կավճանկարչության մրցույթ, Նորագավթի մշակույթի տան սաները հանդես կգան երգ ու պարով:
     Ներքին Դվինի Ս. Հարություն եկեղեցում երեխաների համար կկազմակերպվի կավճանկարչության մրցույթ և տեղի կունենա տոնին նվիրված միջոցառում:
     Մրգավանի Ս. Հակոբ եկեղեցում տեղի կունենա Ծաղկազարդին նվիրված համերգ:
     Արտաշատի Ս. Հովհաննես եկեղեցում տեղի կունենա խեցեգործական աշխատանքների ցուցահանդես և Ծաղկազարդին նվիրված համերգ:
     Նորք Մարաշի Ս. Աստվածածին եկեղեցում տեղի կունենա Ծաղկազարդին նվիրված համերգ երեխաների մասնակցությամբ:
     Մարմարաշենի Ս. Գևորգ եկեղեցում տեղի կունենա Ծաղկազարդին նվիրված համերգ և կավճանկարչություն:
     Ներքին Չարբախի Ս. Խաչ եկեղեցում տեղի կունենա Ծաղկազարդի տոնին նվիրված միջոցառում ` մուլտ հերոսների մասնակցությամբ և կավճանկարչություն:

| | |
1025 | 0
Facebook