Խնդրում ենք սպասել...
Այսօր`  հինգշաբթի, 25 ապրիլի, 2019 թ.

Միջազգային

«Հայաստանի հավաքականի կազմում կա Հենրիխ Մխիթարյան, բայց մենք կարողացանք հասնել մեր նպատակին»․ Ֆինլանդիայի հավաքականի գլխավոր մարզիչ

00:25, չորեքշաբթի, 27 մարտի, 2019 թ.
«Հայաստանի հավաքականի կազմում կա Հենրիխ Մխիթարյան, բայց մենք կարողացանք հասնել մեր նպատակին»․ Ֆինլանդիայի հավաքականի գլխավոր մարզիչ

Մարտի 26-ին Երևանի Վազգեն Սարգսյանի անվան «Հանրապետական» մարզադաշտում կայացած Եվրոպայի 2020 թ. առաջնության ընտրական փուլի J խմբի 2-րդ տուրի Հայաստան - Ֆինլանդիա (0:2) հանդիպումից հետո տեղի ունեցավ Ֆինլանդիայի ազգային հավաքականի գլխավոր մարզիչ Մարկու Կաներվայի հետխաղային մամուլի ասուլիսը։ Ամփոփելով իր թիմի խաղը՝ մարզիչը նշեց․ «Մենք մի շարք դժվարություններ ունեցանք խաղի ընթացքում, որովհետև Հայաստանի հավաքականի կազմում կա Հենրիխ Մխիթարյան և մի շարք այլ որակյալ խաղացողներ: Բայց մենք կարողացանք հասնել մեր նպատակին: Վստահ եմ, որ այլ հավաքականներ ևս Հայաստանում կբախվեն դժվարությունների: Մենք ուսումնասիրել էինք Հայաստանի հավաքականի խաղը. գիտեինք, որ խնդիրներ կային ձախ եզրում: Բայց դրա փոխարեն աջ եզրն էր ուժեղ: Մեր թիմի կազմում ոչ միայն Գլեն Կամարան, այլև մի շարք այլ խաղացողներ բավականին լավ խաղացին: Մենք կարողացանք լավ պաշտպանվել, ինչպես նաև պաշտպանությունից արագ անցնել հարձակման: Բայց ինչպես և մենք նախատեսում էինք՝ դժվար խաղ էր ստացվեց, բայց, այդուհանդերձ, կարողացանք արդյունքի հասնել»։

| | |
1287 | 0
Facebook