Մարտի 22-ին և 23-ին Մոսկվայում անցկացվեց Անատոլի Խառլամպիևի հուշամրցաշարը, որն ունի սամբոյի աշխարհի գավաթի կարգավիճակ: Ստուգատեսին մասնակցում է 200 մարզիկ՝ աշխարհի 33 երկրից:Հայաստանի ներկայացնող 6 մարզիկներից երկուսը նվաճեցին մեդալներ:
Աշխարհի չեմպիոն Տիգրան Կիրակոսյանը, որ մարզական սամբոյի 52կգ քաշային կարգի փոխարեն այս անգամ հանդես եկավ 57 կգ քաշային կարգում, եզրափակչում պարտություն կրեց Ռուսաստանի ներկայացուցիչ Խերտեկ Սայանից և արժանացավ արծաթե մեդալի:
Իսկ մարտական սամբոյի 68 կգ քաշային կարգում բրոնզե մեդալ նվաճեց Սամվել Բադալյանը։