Խնդրում ենք սպասել...

Իրադարձություններ

ՊԵԿ-ը՝ ՀՀ սահմանային անցակետերում գտնվող աջակողմյան տրանսպորտային միջոցները ներկրելու մասին

15:45, երեքշաբթի, 19 մարտի, 2019 թ.
ՊԵԿ-ը՝ ՀՀ սահմանային անցակետերում գտնվող աջակողմյան տրանսպորտային միջոցները ներկրելու մասին

Մարտի 19-ից ուժի մեջ է մտել «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» Հայաստանի Հանրապետության օրենքում փոփոխություն կատարելու մասին» ՀՀ օրենքը: Մաքսային մարմիններին ներկայացվող փաստաթղթերում առկա տեղեկատվության համաձայն՝ մինչև 2018թ. դեկտեմբերի 31-ը ձեռք բերված աջակողմյան ղեկային տեղաբաշխմամբ տրանսպորտային միջոցների ներմուծումն իրականացվելու է մինչև 2019թ. մայիսի 1-ը:
     Ինչպես արդեն տեղեկացվել է, մաքսային ձևակերպումների իրականացման ժամանակ առաջիկա հինգ օրերի ընթացքում ՊԵԿ-ն առաջնահերթությունը տալու է ՀՀ սահմանային անցակետերում արդեն իսկ գտնվող տրանսպորտային միջոցներին՝ թեթևացնելով սահմանային անցակետերի համապատասխան պահպանման հրապարակները: Աջակողմյան ղեկային տեղաբաշխմամբ մյուս բոլոր տրանսպորտային միջոցների մաքսային ձևակերպումները կիրականացվեն հաջորդիվ` խուսափելով լրացուցիչ կուտակումներից:

ՀՀ ՊԵԿ տեղեկատվության և հասարակայնության հետ կապերի բաժին

2524 | 0
Facebook