«Ընդհանուր առմամբ, ինձ համար կապ չունի՝ Օղակաձև զբոսայգում ա, թե որ զբոսայգում, բոլոր էն դեպքերում, երբ քաղաքապետարանը կունենա իրավական հիմք՝ տարածքը վերադարձնել երևանցիներին, նա դա կանի»,- հայտարարեց ՀՀ վարչապետը՝ կրկին անդրադառնալով Օպերայի հարակից սրճարանների ապամոնտաժման թեմային:
Հիշեցնենք՝ օրեր առաջ MAMUL.am-ը հարցում էր արել՝ կո՞ղմ եք արդյոք, որ քաղաքապետարանը ապամոնտաժի Օղակաձև զբոսայգու՝ Ծառուկյանին պատկանող «Մուլտի Վելնես»-ը թեմայով: Հարցմանը մասնակցած ավելի քան 6 հազար օգտատերերի կարծիքները երկփեղկվել էին: 44%-ը կողմ էր, 44%-ը՝ դեմ, մնացած 12%-ի համար միևնույն էր: