Իրադարձություններ

ՀՀ վարչապետ Նիկոլ Փաշինյանն անդրադարձավ Արցախի խնդրի կարգավորմանն ու Իլհամ Ալիևի հետ առաջիկա հանդիպմանը. «Էն, ինչ հրապարակային ասվում է, նորություն չի ոչ ԵԱՀԿ ՄԽ-ի, ոչ էլ ադրբեջանցի մեր գործընկերների համար: Օրակարգի սպասարկումը շարունակում ենք ու ուզում եմ արձանագրել կարևոր նրբություն՝ սա մեր կողմից ոչ քմահաճույք է, ոչ՝ նախապայման, փորձելու ենք քննարկումը շարունակել փաստարկների դաշտում: ՀՀ-ն ցուցաբերել է դիմացինին լսելու ընդունակություն ու նույնն ակնկալում ենք նաև իրենցից: Այն, ինչ ասել ենք 2018-ի մայիսից, մարտահրավեր չէ, երկխոսության հրավեր է: Երկխոսության ընթացքում սեղանին կդնենք մեր փաստարկներն ու ուշադիր կլսենք մեր գործընկերների հակափաստարկները... Առաջիկա հանդիպումը նվիրված կլինի նաև մի շարք պարզաբանումներ արձանագրելուն, որովհետև լիքը հակասական բաներ կան՝ ինչ ա տեղի ունեցել Կազանում, Վիեննայում, Քի Վեսթում: Հարցերը պետք է պարզաբանվեն: Ես, որպես բանակցային գործընթացքում նոր ներգրավված մարդ, պետք է հարցերի պատասխանը ստանամ»: