Մակեդոնիայի մայրաքաղաք Սկոպյեում մեկնարկել է շախմատի Եվրոպայի տղամարդկանց անհատական առաջնությունը, որին Հայաստանը ներկայացնում է 8 շախմատիստ։ Այսօր կայացած 1-ին տուրում հայ շախմատիստները հաջող են մեկնարկել։ Հրանտ Մելքումյանը, Սամվել Տեր-Սահակյանը, Շանթ Սարգսյանը և Հայկ Մարտիրոսյանը հաղթանակներ տոնեցին, իսկ Սերգեյ Մովսեսյանը, Ռոբերտ Հովհաննիսյանը, Արման Փաշիկյանը և Մանուէլ Պետրոսյանը ոչ-ոքի խաղացին։