Համացանց

Քրդագետ Կարեն Հովհաննիսյանը ֆեյսբուքյան իր էջում գրել է. «Քրդական աշխատավորական կուսակցությունը (PKK) և թուրքական զինված ուժերը շաբաթ օրը, մարտի 16-ին, Իրաքյան Քրդստանի հյուսիսային շրջանի լեռներում բախվել են, որի հետևանքով թուրքական կողմը ունի կորուստներ: Թուրքական բանակը տվել է երկու զոհ և ութ վիրավոր:
     Շաբաթ առավոտյան, ժամը՝ 6:00-ի սահմաններում PKK-ի զինյալները հարձակվել են Չյադել լեռան մոտակայքում, Բարմիզա գյուղից քիչ հեռու տեղակայաված թուրքական շարժական ռազմաբազայի վրա: Մերձամատը տևել է շուրջ երկուս ու կես ժամ, որի ընթացքում PKK-ի զինյալներին հաջողվել է մեծ կորուստներ պատճառել թուրքական բանակին: Ժամը 8:30-ի սահմաններում թուրքական ռազմօդուժը ուղղաթիռների միջոցով օգնության է հասել ռազմաբազային: Թուրքերը կարողացել են կասեցնել հարձակումը: PKK-ն տվել է ութ զոհ, որից մեկը կին է»: