Խնդրում ենք սպասել...
Այսօր`  հինգշաբթի, 23 մայիսի, 2019 թ.

Իրադարձություններ

Բանավեճ՝ ավագանու «Լույս» և «Իմ քայլը» խմբակցությունների անդամների միջև

12:45, ուրբաթ, 15 մարտի, 2019 թ.
Բանավեճ՝ ավագանու «Լույս» և «Իմ քայլը» խմբակցությունների անդամների միջև

Այսօր հրավիրած մամուլի ասուլիսի ժամանակ Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանն անդրադառնալով Օպերայի հարակից սրճարանների ապամոնտաժման թեմային, կարծիք հայտնեց, որ դրանք շտապողականություն են. «Ամեն դեպքում եթե ապամոնտաժել է պետք, նույնիսկ եթե դա իրավական ճանապարհով է, կարծում եմ պետք էր շարունակել հանրային քննարկումները, որպեսզի հնարավորինս մեղմ լիներ ապամոնտաժումը: Ինձ թվում է՝ այս շտապողականությունը մի քիչ հեղափոխական շտապողականություն էր: Եթե պետք է ապամոնտաժվեն, ապա՝ բոլորը: Ապամոնտաժում նշանակում է ոչ միայն Օպերայի սրճարաններ ապամոնտաժել, այլև՝ Օղակաձև զբոսայգին, նաև՝ Զանգվի ձորի բոլոր ռեստորանները»,- ասաց Ավետիք Իշխանյանը:

Անդրադառնալով բողոքի ակցիային, Երևանի ավագանու «Իմ քայլը» խմբակցության անդամ Հայկ Հովահաննիսյանը նշեց. «Իմ կարծիքով, այնտեղ կային նաև այլ քաղաքական ուժերի ներկայացուցիչներ, ովքեր փորձեցին այդ հարթակն օգտագործել ի շահ իրենց, փորձեցին պառակտում մտցնել ժողովրդի մեջ»:
     Երևանի ավագանու «Լույս» խմբակցության անդամ Անի Խաչատրյանն անդրադառնալով Երևանի քաղաքապետ Հայկ Մարությանի լռությանը, ասաց. «Ես ինքս անհանգստացած էի քաղաքապետի համար, որովհետև քաղաքապետն իսպառ կորած էր և մտածում էի՝ միգուցե դեպք է պատահել նրան»։ Խաչատրյանը դժգոհեց, որ վերջինն իրենց հետ երբեք ո՛չ հանդիպում, ո՛չ էլ բանակցում է որևէ հարցի շուրջ։

Հակադարձելով Անի Խաչատրյանին՝ Երևանի ավագանու «Իմ քայլը» խմբակցության անդամ Հայկ Հովհաննիսյանն ասաց, որ ավագանու ցանկացած անդամի քաղաքապետը միշտ էլ արտահերթ ընդունում և լսում է:

| | |
2054 | 0
Facebook
COMMENT.am