Խնդրում ենք սպասել...

Միջազգային

Շախմատի Հայաստանի կանանց հավաքականը ոչ-ոքի խաղաց

19:40, չորեքշաբթի, 13 մարտի, 2019 թ.
Շախմատի Հայաստանի կանանց հավաքականը ոչ-ոքի խաղաց

Աստանայում ավարտին մոտեցող շախմատի կանանց աշխարհի թիմային առաջնության նախավերջին՝ 8-րդ տուրում Հայաստանի հավաքականը 2։2 հաշվով ավարտեց Վրաստանի թիմի հետ մրցամարտը։

Առաջին խաղատախտակի վրա հանդես եկող Էլինա Դանիելյանը հաղթեց, Լիլիթ Մկրտչյանը և Աննա Սարգսյանը խաղաղ ելքով ավարտեցին իրենց պարտիաները, իսկ չորրորդ համար Սիրանուշ Ղուկասյանը պարտվեց։

Վերջին տուրից առաջ Հայաստանի հավաքականը 4 միավորով 8-րդ տեղում է: Մարտի 14-ին հայ շախմատիստուհիները ելույթը կավարտեն Ղազախստանի հավաքականի հետ մրցամարտով:

8-րդ տուրի արդյունքում չեմպիոնի կոչումն ապահովեց Չինաստանի հավաքականը, որը 3:1 հաշվով հաղթեց ԱՄՆ-ի թիմին եւ վաստակեց 16 միավոր: Երկրորդ տեղում գտնվող Ռուսաստանի հավաքականը հավաքել է 13 միավոր, ուկրաինուհիները 12 միավորով երրորդն են:

| | |
703 | 0
Facebook