ԱՄՆ Ալաբամա և Ջորջիա նահանգներում տորնադոյի հետևանքով 22 մարդ է զոհվել, հաղորդում է CNN-ը:
Նշվում է, որ զոհերի թվում անչափահասներ կան, զոհերի թիվը կարող է աճել:
Ավելի քան 40 մարդ վիրավոր է, առանց էլեկտրականության են մնում հազարավոր բնակիչներ:
Ալաբամայի նահանգապետն արտակարգ դրություն է սահմանել:
Տուժածներին աջակցել է ԱՄՆ նախագահ Դոնալդ Թրամփը:
«Ալաբամայի և մոտակա շրջանների հիանալի մարդկանց՝ խնդրում եմ, զգույշ եղեք, հոգ տարեք անվտանգության մասին: Տորնադոն և փոթորիկները սարսափելի էին, դրանք կարող են կրկնվել: Զոհվածների հարազատներին և ընկերներին, ինչպես նաև վիրավորներին՝ Աստված ձեզ պահապան»,- Twitter-ի իր էջում գրել է Թրամփը: