Իրանի նախագահ Հասան Ռոհանին չի ընդունել երկրի ԱԳՆ ղեկավար Մուհամադ Ջավադ Զարիֆի հրաժարականը, հաղորդում է IRNA գործակալությունը:
«Տեղյակ եմ ճնշումներից՝ ուղղված դիվանագիտական համակարգի, կառավարության և նույնիսկ նախագահի դեմ: Քանի որ Դուք (Զարիֆը) պայքարել եք ԱՄՆ ճնշումների դեմ, Ձեր հրաժարականը համարում եմ երկրի շահերին հակասող և չեմ ընդունում այն»,- գործակալությունը մեջբերում է Ռոհանիի խոսքը:
Նա նաև հիշեցրել է, որ Իրանի Գերագույն առաջնորդ Ալի Համենեին Զարիֆին ազնիվ և խիզախ մարդ է անվանել:
Զարիֆն իր հրաժարականի մասին հայտնել էր փետրվարի 25-ին Instagram-ի միջոցով: