2018 թվականի դեկտեմբերի 9-ի արտահերթ ընտրությունների ժամանակ 3 և ավելի տոկոս ձայն հավաքած կուսակցություններն ու կուսակցությունների դաշինքները Կառավարությունից ֆինանսավորում կստանան։ Այս նպատակով Կառավարությունը պետբյուջեից կհատկացնի 103 մլն 725 հազար դրամ։
Հիմնավորման տեքստում նշված է. «Նախագծի ընդունումը պայմանավորված է 2018 թվականի դեկտեմբերի 9-ին կայացած Ազգային ժողովի ընտրությունների արդյունքում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալու նպատակով ՀՀ 2019 թվականի պետական բյուջեի «1033 Աջակցություն քաղաքական կուսակցություններին, հասարակական կազմակերպություններին և արհմիություններին» ծրագրի «12002 Աջակցություն կուսակցություններին և կուսակցությունների դաշինքներին» միջոցառմամբ վարչապետի աշխատակազմին հատկացված միջոցների ըստ Ազգային ժողովի ընտրությունների ժամանակ քվեարկությանը մասնակցած բոլոր կուսակցությունների, կուսակցությունների դաշինքների ընտրական ցուցակների օգտին կողմ տրված ձայների ընդհանուր թվի և անճշտությունների թվի գումարի 3 տոկոսի շեմը հաղթահարած կուսակցությունների, կուսակցությունների դաշինքների բաշխման ապահովմամբ»:
Որոշման նախագիծը (չզեկուցվող) ընդունվեց Կառավարության այսօրվա նիստում: