Համացանց

Գրող, հրապարակախոս Աշոտ Միրզոյանը ֆեյսբուքյան իր էջում գրել է. «Վարչապետն ուղղաթիռով եկավ Դսեղ՝ հերթական ճառն ասեց ու հետ թռավ։ Չկանչեց, իրար գլուխ չհավաքեց ներկա գտնվող մի քանի տասնյակ համայնքապետերին ու չհարցրեց՝ թե այս հողերն ինչո՞ւ չեն մշակվում։ Ուղղաթիռից չտեսա՞վ, որ Լոռու ընտիր սարահարթերում դեռ վարը չի սկսվել՝ այնինչ չոր, բարենպաստ եղանակ է։
     Մարդկանց պատասխանները նրան, գուցե, մտորելու թեմաներ տային, եթե, իհարկե, սրտացավ է երկրի ու ժողովրդի համար։
     Չի՞ հասկանում պարոն վարչապետը, որ համար մեկ խնդիրն է ժամանակին սկսել գյուղատնտեսության գարնանային աշխատանքները։ Չգիտի՞, որ պատերազմական վիճակում (զինադադարը դեռ հաշտություն չէ) և շրջափակման մեջ գտնվող երկրի համար սեփական պարենային բազայի ստեղծումը լրջագույն խնդիրն է։ Թե՞ դա էլ է կապված փոքրամասնությունների իրավունքների հետ։
     Անհեթեթ է նման աշխատելաոճը։ Կարևորի անտեսումն ու անկարևորների թմբկահարումը։
     Անհեթեթ է նման իշխանությունը»։