Ադրբեջանցի 23-ամյա սամբիստ Ռուսլան Իսաևը Վոլգոգրադում սպանել է 18-ամյա Ալեքսանդր Բաբարևիչին՝ մեկ հարվածով։ ԶԼՄ-ների տեղեկություններով՝ կոնֆլիկտը ծագել է գիշերային ակումբում։ Ադրբեջանցին վեճի է բռնվել՝ պաշտպանելով եղբորը, ում հետ Բաբարևիչը ցանկացել է հարաբերություններ պարզել։ Իսաևը Բաբարևիչին մեկ հարված է հասցրել, ինչից հետո վերջինս ընկել է ասֆալտին և կենդանության նշաններ չի տվել։
Նշենք, որ Իսաևը ձերբակալվել է։ Նրա դեմ քրգործ է հարուցվել։ Հետաքննությունը շարունակվում է։