Ֆրանսիայում «դեղին բաճկոնավորները» երեկ՝ փետրվարի 17-ին, նշել են իրենց եռամսյակը, հաղորդում է Euronews-ը:
Ակտիվիստները դուրս են եկել փողոց՝ նշելու բողոքի ցույցերի 3-ամսյակը, որոնք սկսվել էին նոյեմբերին 17-ին:
Երթի մասնակիցները հայտարարել են, որ ակցիան խաղաղ է. նրանք դուրս են եկել փողոց՝ բողոքի ցույցերի սկզբունքների մասին հիշեցնելու համար:
Երթին մասնակցել է մոտ 15 հազար մարդ: Միջոցառման Facebook-յան խմբում ակցիային մասնակցելու ցանկություն է հայտնել մոտ 10 հազար մարդ:
Նոյեմբերի 17-ից երկրում 15-23%-ով վառելիքի գների աճի ֆոնին՝ ցուցարարները դուրս էին եկել փողոց: Նրանց առաջին ակցիային մասնակցել էր մոտ 290 հազար մարդ, մեկ ցուցարար էր մահացել, ավելի քան 500-ը՝ վիրավորվել: