Իտալիայի C սերիայի առաջնության հերթական տուրում «Կունեո»-ն 20։0 հաշվով առավելության է հասել «Պրո Պյաչենցա» ակումբի նկատմամբ, որը խաղադաշտ է դուրս եկել ընդամենը 7 ֆուտբոլիստով։ Եվս մեկ ֆուտբոլիստ մոռացել էր անձնագիրը և կարողացել է խաղադաշտ դուրս գալ միայն այն ժամանակ, երբ նրա հայրը բերել է անձնագիրը։
Նշենք, որ «Պրո Պյաչենցա»-ն լուրջ ֆինանսական խնդիրներ ունի։ Ակումբը չունի մարզիչ, այդ պատճառով 19-ամյա ֆուտբոլիստն ստիպված է եղել իրեն արձանագրությունում հայտավորել որպես գլխավոր մարզիչ։ Հիմնական կազմի ֆուտբոլիստները լքել են ակումբը՝ ազատ գործակալի կարգավիճակով, այդ պատճառով ակումբը հանդես է գալիս երիտասարդական կազմի ֆուտբոլիստներով։