Խնդրում ենք սպասել...
Այսօր`  չորեքշաբթի, 21 օգոստոսի, 2019 թ.

Համացանց

«Սպասում ենք տեսնենք՝ սեռժիկի դատավորներն ի՞նչ են անելու». Գագիկ Եղիազարյան

22:15, շաբաթ, 16 փետրվարի, 2019 թ.
«Սպասում ենք տեսնենք՝ սեռժիկի դատավորներն ի՞նչ են անելու». Գագիկ Եղիազարյան

«Սասնա ծռեր» կուսակցության անդամ Գագիկ Եղիազարյանը ֆեյսբուքյան իր էջում գրել է. «Պատահական զուգադիպություններ շարքից․
     Այն նույն ժամանակ, երբ օսիպյանը գալիս է դատարան որպես տուժող ցուցմունք տալու և համաներման մասին դիրքորոշում արտահայտելու, դատարանի բակում ոստիկանների թիվը կտրուկ ավելանում է, դահլիճում ոստիկանների թիվն ավելանում է, և երբ օսիպյանը լեզվակռվի է բռնվում մեր տղաների հետ՝ փորձելուվ լռեցնել ու ինքնահաստատվել, ոստիկաններն ագրեսիվ տեղաշարժ են կատարում դահլիճում՝ ակնարկելով իրենց առկայության մասին. այդ նույն օրը դատավորը հանում է բոլոր այն հարցերը, որոնք ուղղված էին սահմանադրական կարգը տապալվելուն և այլն: Նույն օրը, օսիպյանը մի քանի անգամ տեղից բացականչություններով արձագանքում է մեր տղաների խոսքին ու մնում անպատիժ, իսկ նմանտիպ իրավիճակում Սմբատը հեռացվում է նիստերի դահլիճից քսան ժամով: Դահլիճում ինչ-որ մեկի բացականչության համար որոշում է կայացվում այդուհետ նիստն անցկացնել դռնփակ և, միաժամանակ, օսիպյանն առարկում է համաներման դեմ՝ պատճառաբանելով ընկերների կորուստը՝ չնայած այն բանին, որ համաներումը մահվան դեպքերի վրա չէր տարածվելու։ Կասկածելիորեն, բոլոր նրանք, ովքեր առարկում են համաներման դեմ և կամ պնդում իրենց նախաքննական ցուցմունքը՝ զանազան պատրվակներով վերջին մեկ ամսվա ընթացքում եղել են ՀՔԾ-ում կամ այլ քննություն իրականացնող մարմինների մոտ։ Ցանկն անվերջ կարելի է թվել․․․
     Հա չմոռանամ ասել, որ անցումային արդարադատության մասին էլ կարծես մոռացության ենք մատնել և սպասում ենք տեսնենք՝ սեռժիկի դատավորները ի՞նչ են անելու․․․»:

| | |
3379 | 1
Facebook
COMMENT.am