ԱՄՆ նախագահ Դոնալդ Թրամփը կարգադրել է ֆինանսական պատժամիջոցներ սահմանել պաշտոնական Կարակասի նկատմամբ: Այս մասին ասվում է Սպիտակ տան հաղորդագրության մեջ:
Պատժամիջոցային ցանկում է 5 մարդ, նրանց թվում՝ նավթի նախարարը:
ԱՄՆ նախագահի հրամանագրով արգելվում է Վենեսուելայի պետական նավթագազային PDVSA ընկերության հետ առևտրային գործարքները:
Վաշինգթոնը չի թաքցնում, որ սահմանափակող միջոցներն ուղղված են նավթի արտահանման հիմնական աղբյուրի՝ Վենեսեուլայի կառավարության դեմ:
Նշենք, որ Վենեսուելայում քաղաքական ճգնաժամը սկսվեց այս տարվա հունվարի 23-ին, երբ ընդդիմադիր առաջնորդ Խուան Գուաիդոն իրեն երկրի ժամանակավոր նախագահ ճանաչեց: Նրան են աջակցում ԱՄՆ-ը, Մեծ Բրիտանիան և նրանց դաշնակիցները: Ռուսաստանը, Մեքսիկան, Չինաստանն աջակցում են գործող նախագահ Նիկոլաս Մադուրոյին: