Խնդրում ենք սպասել...
ԱՐՑԱԽ.news ԼՐԱՏՎԱԿԱՆ

Միջազգային

«Ով ուժեղ է, նա էլ ճիշտ է». Ալիևը հայտարարել է, որ պատրաստ է պատերազմի

14:40, չորեքշաբթի, 13 փետրվարի, 2019 թ.
«Ով ուժեղ է, նա էլ ճիշտ է». Ալիևը հայտարարել է, որ պատրաստ է պատերազմի

Ադրբեջանի նախագահ Իլհամ Ալիևը մեկնաբանել է Լեռնային Ղարաբաղի հակամարտության կարգավորման շուրջ վերջին զարգացումները:

Ալիևի խոսքով՝ Բաքուն «կողմ է խաղաղ կարգավորմանն ու շարունակում է Երևանի հետ բանակցությունները, սակայն չի բացառում իրադարձությունների զարգացման ռազմական սցենարը»:

«Միշտ ասել եմ, որ այսօր աշխարհում ուժային գործոնն առաջնային պլան է մղվում: Աշխարհի տարբեր անկյուններում կոպտորեն խախտվում է միջազգային իրավունքը: Աշխարհում տիրում է «ով ուժեղ է, նա էլ ճիշտ է» սկզբունքը: Երկար տարիներ ավելացնում ենք մեր տնտեսական և ռազմական ներուժը: Մենք կարծես նախապատրաստել ենք մեզ այսօրվա իրավիճակին»,- հայտարարել է Ալիևը:

Նա հավելել է, որ Ադրբեջանը կանի հնարավոր ամեն ինչ՝ «վերականգնելու տարածքային ամբողջականությունը», ինչը, նրա խոսքով, «Ադրբեջանի և յուրաքանչյուր ադրբեջանցու գլխավոր խնդիրն է»:

| | |
8122 | 7
Facebook